Fréttir
Fréttir
Aukin aðsókn í verslanir og þjónustu Haga
Árshlutareikningur Haga hf. fyrir þriðja ársfjórðung 2023/24 var samþykktur af stjórn og forstjóra félagsins á stjórnarfundi þann 11. janúar 2024. Reikningurinn er fyrir tímabilið 1. mars til 30. nóvember 2023. Árshlutareikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Reikningurinn hefur hvorki verið kannaður né endurskoðaður af endurskoðendum félagsins, PricewaterhouseCoopers ehf.
BJÖRGVIN VÍKINGSSON TEKINN VIÐ SEM FRAMKVÆMDASTJÓRI BÓNUS
Frá og með áramótum er Björgvin Víkingsson tekinn við sem framkvæmdastjóri Bónus. Björgvin kom til starfa hjá Bónus í mars 2023 og þá sem innkaupa- og aðstoðarframkvæmdastjóri. Björgvin starfaði sem forstjóri Ríkiskaupa frá árinu 2020 en hann er með meistaragráðu í aðfangakeðjustjórnun frá ETH háskólanum í Zurich og B.Sc. gráðu í umhverfis- og byggingaverkfræði frá Háskóla Íslands.
INGUNN SVALA LEIFSDÓTTIR TEKIN VIÐ SEM FRAMKVÆMDASTJÓRI OLÍS
Um áramótin tók Ingunn Svala Leifsdóttir við starfi framkvæmdastjóra Olís. Ingunn Svala hefur fjölþætta stjórnunarreynslu úr íslensku viðskiptalífi, en hún starfaði m.a. síðast sem framkvæmdastjóri rekstrar hjá Dohop og þar á undan var hún framkvæmdastjóri rekstrar hjá Háskólanum í Reykjavík. Ingunn situr í stjórnum Kviku banka og Ósa hf.
Hagkaup styrkir Bleiku slaufuna um tvær milljónir
Þjóðin hefur lagst á eitt í söfnunarátaki Krabbameinsfélagsins í ár og í lok október afhentu forsvarsmenn Hagkaups ávísun upp á tvær milljónir króna til Bleiku slaufunnar sem söfnuðust í verslunum Hagkaups.
Hagar styrkja íslenska frumkvöðla í matvælaframleiðslu
Tólf íslenskir frumkvöðlar í matvælaframleiðslu hafa hlotið alls 15 milljóna króna styrk frá Uppsprettunni, nýsköpunarsjóði Haga, til að vinna að nýsköpun í matvælaiðnaði og efla íslenska matvælaframleiðslu. Þetta er í þriðja sinn sem Uppsprettan veitir styrki og hefur þátttaka aldrei verið meiri, en á fjórða tug nýsköpunarfyrirtækja sóttu um styrk. Markmiðið er að sem flestar af vörunum sem hlutu styrk verði fáanlegar í hillum verslana Haga innan tíðar.
Aukin umsvif og bætt afkoma frá rekstri
Árshlutareikningur Haga hf. fyrir annan ársfjórðung 2023/24 var samþykktur af stjórn og forstjóra félagsins á stjórnarfundi þann 18. október 2023. Reikningurinn er fyrir tímabilið 1. mars til 31. ágúst 2023. Árshlutareikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Reikningurinn hefur verið kannaður af endurskoðendum félagsins, PricewaterhouseCoopers ehf.
ANTON BIRKIR SIGFÚSSON HEFUR VERIÐ RÁÐINN FORSTÖÐUMAÐUR SJÁLFBÆRNI OG SAMFÉLAGSLEGRAR ÁBYRGÐAR HJÁ HÖGUM
Anton Birkir Sigfússon hefur verið ráðinn í nýja stöðu forstöðumanns sjálfbærni og samfélagsábyrgðar hjá Högum hf. Í starfinu mun hann halda áfram að móta og innleiða stefnur, markmið og aðgerðaráætlanir félagsins tengdum málaflokknum ásamt því að hafa umsjón með sjálfbærniuppgjöri Haga.
OPNAÐ HEFUR VERIÐ FYRIR UMSÓKNIR Í UPPSPRETTUNA 2023
Hagar hafa opnað fyrir umsóknir í nýsköpunarsjóðinn Uppsprettan. Þetta er í þriðja sinn sem Uppsprettan auglýsir úthlutun og eru um 20 milljónir til úthlutunar úr sjóðnum í ár. Umsóknarfrestur er til og með 27. september. Hlutverk sjóðsins er að virkja og styðja við frumkvöðla til nýsköpunar í íslenskri matvælaframleiðslu og sérstakt tillit er tekið til sjálfbærni verkefna sem styðja við þróun, minnkun matarsóunar og hagræðingu í íslenskri matvælaframleiðslu.
Ný verslun Bónus opnar í Holtagörðum
Bónus opnar nýja matvöruverslun í Holtagörðum laugardaginn 22. júlí. Nýja verslunin er um 2.500 fm að stærð eða 40% stærri en gamla verslunin sem nú hefur verið lokað. Verslun Bónus hefur verið í Holtagörðum frá árinu 1994. Nýja verslunin verður á sömu hæð en í hinum enda hússins, á móti tveggja hæða bílastæðahúsi og því eru næg bílastæði að finna.
Vörusala á 1F jókst um 8,6% og hagnaður nam 653 m.kr.
Árshlutareikningur Haga hf. fyrir fyrsta ársfjórðung 2023/24 var samþykktur af stjórn og forstjóra félagsins á stjórnarfundi þann 28. júní 2023. Reikningurinn er fyrir tímabilið 1. mars til 31. maí 2023. Árshlutareikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Reikningurinn hefur hvorki verið kannaður né endurskoðaður af endurskoðendum félagsins, PricewaterhouseCoopers ehf.