Fréttir
Fréttir
Hagar ganga frá kaupum á P/F SMS í Færeyjum
Í tilkynningu þann 22. október 2024 var greint frá því að Hagar hf. og eigendur P/F SMS í Færeyjum hefðu undirritað skilyrt samkomulag (e. Head of Terms) um kaup og sölu á öllu hlutafé í SMS. Í dag, þann 27. nóvember 2024, var endanlegur kaupsamningur vegna viðskiptanna undirritaður, en öll skilyrði vegna kaupanna hafa verið uppfyllt, þ.m.t. áreiðanleikakönnun og samþykki eftirlitsaðila í Færeyjum.
Ágætur gangur í rekstri og söluferli á Olíudreifingu hafið
Árshlutareikningur Haga hf. fyrir annan ársfjórðung 2024/25 var samþykktur af stjórn og forstjóra félagsins á stjórnarfundi þann 17. október 2024. Reikningurinn er fyrir tímabilið 1. mars til 31. ágúst 2024. Árshlutareikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Reikningurinn hefur verið kannaður af endurskoðendum félagsins, PricewaterhouseCoopers ehf.
Ingibjörg Ester Ármannsdóttir ráðin forstöðumaður reikningshalds og uppgjörs hjá Högum
Ingibjörg Ester Ármannsdóttir hefur verið ráðin forstöðumaður reikningshalds og uppgjörs hjá Högum. Hún tekur við starfinu af Oddný Össu Jóhannsdóttur sem hverfur til annarra starfa.
Rekstur gekk vel á fjórðungnum og afkoma styrkist á milli ára
Árshlutareikningur Haga hf. fyrir fyrsta ársfjórðung 2024/25 var samþykktur af stjórn og forstjóra félagsins á stjórnarfundi þann 28. júní 2024. Reikningurinn er fyrir tímabilið 1. mars til 31. maí 2024. Árshlutareikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Reikningurinn hefur hvorki verið kannaður né endurskoðaður af endurskoðendum félagsins, PricewaterhouseCoopers ehf.
Oddur Örnólfsson nýr framkvæmdastjóri Eldum rétt.
Oddur Örnólfsson mun taka við stöðu framkvæmdastjóra Eldum rétt frá og með 1.júlí næstkomandi. Oddur, sem hefur starfað hjá fyrirtækinu frá árinu 2015, tekur við keflinu af Val Hermannssyni en Valur er einn af stofnendum Eldum rétt.
Árs- og sjálfbærniskýrsla Haga 2023/24 er komin út
Árs- og sjálfbærniskýrsla Haga fyrir árið 2023/24 er komin út.
Nýjung í Hagkaup: Dæla skyri af ísvélum á Skálinni
Hagkaup hefur opnað skálastaðinn Skálina í Hagkaup Skeifunni. Á Skálinni er boðið upp á skálar úr skyr-, jógúrt-, hafrajógúrt- og acaí-grunni, sem dælt er úr ísvélum.
Mímir Hafliðason ráðinn forstöðumaður viðskiptaþróunar hjá Högum
Mímir Hafliðason hefur verið ráðinn forstöðumaður viðskiptaþróunar hjá Högum, en staðan er ný innan samstæðunnar. Auk þess að leiða verkefni á sviði viðskiptaþróunar mun Mímir taka virkan þátt í stefnumótun fyrir Haga og dótturfélög sem og í vinnu sem tengist mögulegum kaupum og sölum á fyrirtækjum.
Sterkt rekstrarár með auknum tekjum og bættri afkomu
Ársreikningur Haga hf. fyrir rekstrarárið 2023/24 var samþykktur af stjórn og forstjóra félagsins á stjórnarfundi þann 23. apríl 2024. Reikningurinn er fyrir tímabilið 1. mars 2023 til 29. febrúar 2024. Ársreikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS) og viðeigandi ákvæði laga um ársreikninga. Endurskoðendur félagsins, PricewaterhouseCoopers ehf., hafa endurskoðað reikninginn og áritað hann fyrirvaralausri áritun.
Hagkaup fyrsta íslenska matvörukeðjan sem kolsýruvæðir allar verslanir
Hagkaup er fyrsta íslenska matvörukeðjan sem kolsýruvæðir allar verslanir sínar. En hvað þýðir það og af hverju skiptir það máli? Kælikerfi í verslunum á Íslandi, sem og erlendis, ganga enn að stórum hluta fyrir kælimiðlinum freon. Kolsýruvæðing felur það í sér að eldri kælikerfum sem ganga fyrir freon er skipt út fyrir nýrri kerfi sem ganga fyrir koltvísýringi. Útfösun á freoni er mikilvægt umhverfismál, enda hefur leki á efninu gríðarleg gróðurhúsaáhrif og stuðlar á sama tíma að eyðingu ósonlagsins.